DAY22 STEAK

营业中

休息中

今日收工唔知食咩好，经过附近发现有间新开既餐厅，专食石烧牛扒，装修睇落几舒服，好似唔错！✨酥皮餐汤酥皮薄脆，烘焙得金黄色，佢嘅质感酥脆，内里又松软。而餐汤方面，系creamy既蘑菇汤，味道唔算特别。不过将酥皮会浸落汤一齐食。当热汤流入酥皮内部，酥皮会渐渐软化，吸收汤汁同时保持住酥脆嘅质感。✨Prime西冷牛扒+Prime肉眼扒每日限量5份咋，好好彩我地食到！呢到石烧方式系烧热铁板，再将西冷扒放喺上面烧烤，令扒肉保持肉汁同嚼劲。西冷扒烧至刚刚好嘅火候，表面金黄，内里嘅肉质鲜嫩多汁，每一口都带嚟浓郁嘅牛肉香味。而肉眼扒嘅肉质更加嫩滑，有啲肥美嘅油花，令扒肉更加多汁。石头嘅高温仲可以带嚟一啲微微嘅焦糖化味道，增加扒肉嘅香气同层次感。而呢到仲有几款牛油可以，例如蒜香、黑松露、鹅肝等，令到块扒既香气更突出！✨意粉&薯条&甜品意粉同薯条既份量都几大，值得赞既系虽然系配菜都冇hea做，意粉有鲜茄蓉，而薯条又够脆。食完完仲有甜品添，今日既甜品系自家制既芒果布甸，都唔错。