炑八烘焙工作坊

营业中

休息中

好开心呀，今日去咗整圣诞节限定曲奇，除咗圣诞系列仲有好多唔同造型嘅模具，例如熊仔、心心等等。呢度啲职员好有礼貌好亲切，由准备材料、搅拌、烘焙等等嘅程序都会细心讲解，有唔明唔识做嘅时候可以直接问佢哋，咁就唔使担心失手😎用模整完曲奇之后，放入焗炉后需要少少时间等佢焗成形。中间时段就可以去餐厅坐低饮杯嘢，近排出咗新饮品，欢乐圣诞树士多啤梨鲜奶，好得意呀衬返圣诞节！转个头就可以攞曲奇，然后可以喺上面用朱古力笔画出自己心爱图形😌有得食有得玩好开心！餐厅仲会提供埋包装袋每块曲奇可以放落独立包装袋，然后再放入圣诞气氛嘅胶盒，送俾人就啱晒啦✨