大熱高湯麵 (已結業)

平时行过呢间小店，在店外唔系好睇到店内嘅装修同食物，觉得好似好神秘咁，今晚终于胆粗粗入去试吓。呢度汤底嘅选择只有三款，分别系黑高汤，白高汤同埋大高汤，面嘅选择就有阳春面，葛粉丝，米线同米粉。见佢个二人餐都几低，就叫咗个二人餐试吓，我哋叫咗个大高汤同埋白高汤配粗嘅阳春面，啲面都几弹牙，而个汤都几清甜，佢哋嘅汤底都应该花咗唔少心思同时间去煲。配面嘅点心都唔错，啲炸物就略嫌比较油，尤其系个酥炸鲮鱼角。酥炸芥末炸墨鱼球都几特别，入面系流心嘅芥末，味道都唔错。伴芥兰嘅蚝油加左啲虾米落去，都几有心思同几特别。下次嚟都会想试吓其他配面嘅点心同其他面款。