走杯 (富時中心) (已搬遷) 新店位置

呢个时代做生意，除左讲特色，好多时候都讲社会责任。咁啱经过旺角，留意到有一间新开嘅饮品店，叫「走杯」，见到放系出面嘅visuals几靓，野饮嘅卖相同取名都几特别，又有个位企下chill下，就入去试左。睇左个menu一阵，讲真杯杯都好想饮，见到有人参系列，老板娘Amy都有推介下，我就拣左「人参鲜乳加红豆薏仁」黎饮。（本身我个人唔系好受得牛奶，但见到系人参，又有得配我好钟意嘅红豆薏仁，就试左）等紧杯人参鲜乳嘅时候，周围望下，见到厨房里面好干净企理，再睇下个menu，发现原来拎走饮系要加两蚊。同Amy倾左几句，原来「走杯」好鼓励客人堂饮或者带自己嘅杯过黎装野饮走，用佢地店舖嘅纸杯同饮管就要额外加两蚊，每个月佢地会将呢部分嘅钱作慈善用途。讲真，依家去叫冻饮都要加两蚊。如果真系咁啱赶时间要拎走饮，为左环保比哩两蚊都值啦。倾倾下，杯人参鲜乳红豆薏仁就整好啦。见到个卖相，真系忍唔住影相打卡。要搅混佢先饮，都有啲唔舍得，因为会破坏左佢个卖相。人参味好香，回甘唔苦，再加埋弹牙嘅红豆薏仁，可以cover左我唔系好受得嘅鲜奶味，而且唔算甜。整体感觉好好，饮完唔会好用饱肚，唔会唔舒服。唔钟意饮奶嘅，哩杯人参鲜