膳心小館

营业中

休息中

想帮衬好耐的膳心小馆，无奈一直0机会去石硖尾，终于咁桥同细细去美荷楼参加Workshop，又咁桥想玩大光面个送碗游戏，唔洗谂一定要去食。我同细细叫咗个XO酱猪扒捞面，连热饮$48，上台时热辣辣香喷喷，佢哋系用大光面，炒起干身唔黏、弹牙，猪扒份量好多，而且好淋好易咬，细细系食肉兽都几乎食唔晒😅。XO酱惹味又唔会太辣，$48来讲系非常抵食。可能因为人手唔够，所以餐厅全部都用即弃餐具，另外环境亦系好简单的地道食堂，比较特别系有好多Spiderman挂画，所以我同细细特别行咗一圈去参观。另外餐厅入面仲有佢哋自家食物卖，例如汤包、点心、蛋卷、糯米糍等等，全部都系揾老人家同妈妈制作，等佢哋可以有收入帮补生计，仲有就系帮啲猫猫筹医药费，所以真系好值得去帮衬支持一下。