Mue Mue

营业中

休息中

今日喺尖沙咀行街，无意中发现美丽华商场3楼，有一间好靓嘅餐厅，美丽华商场好特别，原来3楼中间隔住一个停车场，所以平时行街，我都唔发现呢间餐厅，餐厅装修好华丽，主打泰国菜，门口仲有好靓嘅圣诞树装饰，入去试吓。首先叫咗一份「咸蛋黄沙律」，入边主要系萝卜丝配合咸蛋黄，萝卜丝非常爽口，再加上泰式酸汁，咸咸酸酸好特别，好开胃。接着，叫咗一份「炭烧沙嗲鸡肉串」，串烧即叫即制，新鲜热辣，鸡肉非常香滑，仲有淡淡嘅炭烧味道，配合泰式特制沙嗲酱，非常惹味。入到餐厅都要试吓地道泰菜，见到呢个名堂好特别，叫做「摩登海鲜冬阴功」，原来佢系一锅冬阴功汤，入面有好多海鲜，例如大虾、鱿鱼、蚬等等。冬阴功汤微辣，辣嘅我都食到，汤底好浓郁，好惹味，食完啲海鲜，最后连汤底都饮清光。「芒果椰汁沙冰」同埋「什莓沙冰」，果汁味非常新鲜，冰冻而解渴，好好味。