影片
更多
2022-08-06
202 浏览
RUSTICO D2-place One地下有间好有feel嘅西班牙餐厅🤤疫情下都好想去旅行，但一来一回隔你7日检疫，搞到只能得个等字。但咁岩有个buddy物色到间好有feel嘅餐厅，可以尝试令自己有几个钟置身于当地咁。🏆🏆🏆🏆 🏆初榨橄榄油浸香蒜海虾脆多士净系卖相已经非常吸引，海虾完全入哂香蒜嘅味道，佢中间部位已除壳，超方便我哋呢D钟意食虾，但唔想meet壳嘅人🤤个脆多士掂落个汁到超好食😳多士配少少酱汁再放埋旧虾上去，一啖放落口，简直满足😍🏆🏆🏆🏆🏆传统烤焗多士西班牙小蕃茄香蒜及初榨橄榄油初时以为一块多士...加几粒蕃茄同蒜，无咩太大期望。咁职员都好好，佢地知我哋无试过呢道菜，都示范一次做法比我地，见到佢将香蒜同小蕃茄搽落多士时，两种材料混出嘅味道好香，最后加埋橄榄油，就食得！第一啖系食到嘅香浓同有少少辣嘅香蒜味，但因为佢有蕃茄系到，你会想追多啖，唔会好似平时出面食香蒜包咁，一两啖就觉得腻口，正正因为加咗蕃茄味，感觉系中和番个香蒜，最后加埋橄榄油令到你个口腔有阵回香，但唔会话食完口臭😎「最后呢个我地再追加多咗一份🫢」🏆🏆🏆 🏆西班牙会牛肚配鹰嘴豆辣肉肠酱汁平时食牛肚最怕就系咬唔烂同会
D2-place One地下有间好有feel嘅西班牙餐厅🤤疫情下都好想去旅行，但一来一回隔你7日检疫，搞到只能得个等字。但咁岩有个buddy物色到间好有feel嘅餐厅，可以尝试令自己有几个钟置身于当地咁。
🏆🏆🏆🏆 🏆初榨橄榄油浸香蒜海虾脆多士
净系卖相已经非常吸引，海虾完全入哂香蒜嘅味道，佢中间部位已除壳，超方便我哋呢D钟意食虾，但唔想meet壳嘅人🤤个脆多士掂落个汁到超好食😳多士配少少酱汁再放埋旧虾上去，一啖放落口，简直满足😍
🏆🏆🏆🏆🏆传统烤焗多士西班牙小蕃茄香蒜及初榨橄榄油
初时以为一块多士...加几粒蕃茄同蒜，无咩太大期望。咁职员都好好，佢地知我哋无试过呢道菜，都示范一次做法比我地，见到佢将香蒜同小蕃茄搽落多士时，两种材料混出嘅味道好香，最后加埋橄榄油，就食得！第一啖系食到嘅香浓同有少少辣嘅香蒜味，但因为佢有蕃茄系到，你会想追多啖，唔会好似平时出面食香蒜包咁，一两啖就觉得腻口，正正因为加咗蕃茄味，感觉系中和番个香蒜，最后加埋橄榄油令到你个口腔有阵回香，但唔会话食完口臭😎「最后呢个我地再追加多咗一份🫢」
🏆🏆🏆 🏆西班牙会牛肚配鹰嘴豆辣肉肠酱汁
平时食牛肚最怕就系咬唔烂同会有阵内脏味，但呢个牛肚佢个软硬腍到系超级好！佢好腍，唔怕咬唔开，加上佢好入味，完全无内脏味道，当你食牛肚连埋鹰嘴豆一齐食系好绝配🥰我好钟意佢个酱汁，酸酸辣辣！
🏆🏆🏆🏆脆香鱼鳕鱼球配蜜糖泡沫
呢个我觉得几特别，佢蜜糖系甜得嚟，但唔会抢走鳕鱼嘅味道。外皮炸到金黄色，但入面鳕鱼再夹埋薯蓉，令个口感好creamy。一d都唔干身。
🏆🏆🏆🏆慢煮西班牙乳猪配香蒜焗薯
乳猪！！！！呢个好好味☺️☺️佢个皮系好脆口得嚟，又好入味，加上佢啖啖肉！！！再配佢嘅烧烤酱！呢个系绝配🫢我好钟意佢呢只乳猪嘅口感，又系好腍身，入面少少肥肉再加软腍嘅肉，呢个系值得一试🥰
🏆🏆🏆🏆🏆招牌西班牙黑毛猪海鲜炒饭
佢嘅黑毛猪一早就混咗入饭入面，猪油同饭系二合为一，超香！加上，佢混合咗一齐，你绝对做到一啖饭连肉嘅口感，好满足「绝对岩哂我呢d食肉要配饭嘅人🤤」海鲜系足料大大份，基本上每样海鲜嘅鲜味都好出，唔会被其他香料盖过！
🏆🏆🏆🏆传统西班牙churros炸脆条伴云呢嗱雪糕及朱古力慕丝
甜品我地叫咗呢个churros配雪糕慕丝🙆🏻♂️我想讲...佢个云呢嗱雪糕放咗系慕丝嘅底部，职员建议我地要插到最底，因为咁先可以连埋雪糕一齐食！！呢个口感又系好新鲜！本身churros一定系即炸，因为劲辣手！！加上就咁食都好好味，我地再试下掂埋慕丝同雪糕，个味道再升华！我强烈建议甜品可以试呢个🙆🏻♂️🙆🏻♂️
🏆🏆🏆🏆🏆特色西班牙炸蛋伴香脆薯丝及辣肉肠
薯条我就不嬲中意食粗𠮶款，因为比较有口感多啲，所以当时见到就算个卖相几靓，但都无话抱住好大期望。点知！完全喜岀望外！佢趁个蛋未熟哂，将啲蛋汁、薯丝同啲辣肉肠捞埋一齐，丰富咗成个味道同口感。除咗有好香嘅薯香，辣肉肠个咸度更加将成件事升华咗。不过如果有朋友仔唔食生蛋嘅，嗌呢道𩠌前就要谂谂🤧
🏆🏆🏆🏆 Sangria
本身都唔系话太识饮酒/钟意饮酒，因为我觉得酒好苦好难入口，但因为呢杯酒佢加咗大量生果，中和咗酒嘅苦味，饮落去都好易入口，唔觉唔觉都饮咗几杯，如果本身唔太好酒嘅朋友，我都认为值得一试🙆🏻♂️🙆🏻♂️
🥘荔枝角长义街9号D2 Place ONE 地下G-01舖
味道：4.5/5
环境 : 5/5
服务：5/5
卫生：5/5
价钱：4/5
张贴