酒津

营业中

休息中

朋友带路嚟试一间楼上舖，唔讲真系唔识，嚟到居然坐满晒熟客，即刻期望值大增。烧老翁鱼系是日时令菜式，听店员推介试吓，估唔到系全晚最回味嘅菜式。鲜红嘅鱼身令我第一时间谂起喜之次，食落的确好相似，因为鱼油好足，每一分鱼肉都好幼嫩水润，亦有佢独特嘅鲜甜味。 朋友平时真系唔食鱼，点知最后仲食得多过我。川海老唐扬香口干爽，外脆内软有虾味，比起炸白虾更好味。鹅肝苹果脆片汉堡食到我期望厚切甘香幼滑嘅鹅肝，少少可惜系汉堡包冇溅到脆身，唔系就完美喇。特上鱼生卷惊喜嘅系铺咗海胆，鱼生都食得出好新鲜，米饭粒粒分明做得几好。串烧有几样大路嘢我必定会叫，牛舌、鸡翼同免治鸡肉棒都系水准以上，牛舌厚切juicy，鸡肉棒配咗蛋香味极浓嘅蛋黄，令人回味。 安格斯牛小排多汁肉味浓。海胆酱乌冬真正物超所值，海胆、牡丹虾同原只蟹钳真材实料，鲜甜到不得了，海胆酱香口Creamy，一路食一路担心佢蚀钱，必点。