博居酒屋

营业中

休息中

平时都成日食串烧🍡，但真系好少遇到啲串烧可以整得咁好味嘅餐厅，呢间位于太子嘅居酒屋，主打食串烧，食物非常高质，真系要介绍比大家。 餐厅唔算好大，有吧台位置，同埋几个座位。通常我去居酒屋都会拣坐吧台，睇住师傅烧食物𠮶阵，感觉好期待😍 职员先送上前菜，有牛蒡、酸萝卜、泡菜蒜头，无谂过个泡菜蒜头可以咁好食，有惊喜👍 豚肉五花腩：五花肉同脂肪比例恰到好处，油脂香气十足，油脂入口仲保留住脂肪融化口中的香味，肉质柔嫩多汁，加埋蒜蓉，肉味浓郁美味。 盐烧牛舌：牛舌爽口有弹性，肉汁鲜嫩，加埋少少盐味，提升整个牛舌嘅味道。 盐烧鲭鱼🐟：鲭鱼油脂丰富，鱼肉细嫩，没有腥味被烤得皱皱的鱼皮夹杂味醂的嘅甜味，盐味由内散发至外恰到好处。 大葱鸡肉串：鸡肉鲜嫩多汁，沾满甜甜嘅烧汁，配上烧香嘅京葱，简直就系绝对！ 鸡小腿🍗：鸡小腿肉质嫩滑，表面带有少许鸡皮，非常香脆。 鸡肾：完全无腥味，调味恰到好处，非常爽口。 鸡汤乌冬🐔🍜：虽然个汤唔算好浓味，但食到啖啖清鸡汤味，乌冬幼滑易入口。 焦糖菠萝🍍：呢个系我食过最好食嘅焦糖菠萝，表面焦化产生嘅焦糖香味，中和咗菠萝嘅酸味，美味多汁，绝对要encore再encore。