AnyMomentCafé

营业中

休息中

今日嚟同friends旺角食饭, 想揾个可以倾耐啲的地方就拣咗呢间楼上Cafe。门口有啲难揾，喺登打士街铁火堂旁边嘅巷仔转入去。呢度有好多board game 可以玩，地方唔系好大，所以最好预约左先来。老板见我哋点餐有选择困难症，都会推介菜式。🌱罗勒海鲜意粉上碟闻到好香罗勒味，虾同蚬肉炒得好香，意粉软硬适中，炒得好爽口，用咗少盐少油配方，味道唔会太咸。咖喱安格斯牛柳粒螺丝粉咖喱好香浓，少少辣多多咖喱香，牛柳粒肉质几鲜嫩，唔会炒到过老，螺丝粉亦煮得恰到好处，挂汁唔错。地中海香蒜鸡柳意粉🍝好香蒜味，鸡柳炒得好香，意粉有少少辣好惹味。卡邦尼碎烟肉三文鱼意粉卡邦尼酱汁比出面食到的杰啲浆啲，芝士味好浓郁，唔太食到烟肉，烟三文鱼几大块几新鲜。养生茶喺餐牌入边系揾唔到，系老板推介，我哋叫咗一款润喉茶同一款补气血茶。用料几丰富，气血茶有桂圆、红枣、金盏菊、玫瑰花、黑枸杞等等，具补血补气同暖宫驱寒之效；润喉茶有桂花，菊花，千层纸等等，越饮越回甘。🍑水蜜桃梳打梳打够晒气，几清甜不过冇水蜜桃酸味，偏向少甜配方。