鴨大哥 (時代廣場)

营业中

休息中

一家人嚟鸭大哥午膳，店内装修一般，平实到连枱布都冇，价钱亦相当亲民，系性价比相当高嘅餐厅。点心嘅选择亦算多，味道相当扎实(但虾饺普普通通)，烧卖牛肉凤爪棉花鸡都唔错。Noise唔讲唔知，原来呢间餐厅系厨魔Alvin Leung旗下嘅中式餐厅，但冇整蛊做怪，由里到外，相当平实可人。北京烤鸭半只258元，份量亦相当多。一般烤鸭店只著重鸭皮，鸭肉变得可有可无，而鸭大哥嘅烤鸭鸭肉做到嫩滑入味，整体毫不油腻，一定唔会食到满口油，当然要追求「大董烤鸭」油香四溢嘅烤鸭顾客就会嫌唔够满足，不过以香港人嘅口味应该合格有余。海鲜鸭汤泡饭，材料十足，味道层次丰富，值得推荐，另上嘅一兜脆米有画龙点睛之效。墨西哥牛奶叉烧包，系一般本地面包店墨西哥crossover叉烧包，卖相唔算好，但馅料分量十足，味道不错。