俊軒越南餐廳

营业中

休息中

餐厅系永吉街呢条横巷入面，地点都几方便。餐厅虽然铺头细细，但睇得出装修都花左心思，放左好多越南色彩的画同帽。一食之下，超级惊喜，样样都好地道好好食，原来系正宗越南人主理。鹅肝酱牛肉法包套餐$68 呢个系即叫即焗，所以要等一阵。职员叫我地要衬热食。一咬落去，法包面超级脆！但入面系好松软，真正的外脆内软😍真系未食过咁高质素的法包！听到职员同食客的对话，原来法包系餐厅揾人订做，根据餐厅自己的食谱，难怪咁好食！入面的馅料都十分丰富，烤牛肉份量惊人，好香口惹味，加埋灵魂的鹅肝酱，咸咸香香，另外仲有酸菜，成个配搭系💯🤤配餐好抵食，价钱已经包左一杯热饮，性价比一流！招牌火车头汤檬$90 原本想叫蕃茄蟹肉汤檬，但原来中午就卖晒，下次要早d黎。但呢个火车头汤檬都好好食😋汤底好清甜，应该用左好多牛骨，牛肉同香料煲成。面头仲加左大量牙菜，金不换，葱，洋葱提升层次。入面的配料好丰富，有熟牛，牛根，牛栢叶，牛丸同生牛肉。最钟意生牛肉，入口嫩滑又鲜味🤤招牌海南鸡半只$90全部鸡肉去晒骨，鸡肉好嫩滑好香！半只份量都好大碟，配埋秘制的香辣汁更惹味😆咸梅青柠梳打$28咸咸地酸酸地，几解渴👍🏻总括来说，呢间小店食物质素爆