鍋卷鳴門 (已結業)

好耐无写食评，食到呢间高质火锅店真系要Happy Share！新开张人少少，坐得好松动，而且装修好有心思，系忍者主题🥷我地有新张优惠四人同行一人免费，叫左个「中忍」套餐，牛肉非常高质，特别系牛上脑！其他蔬菜同丸类系出面自助，种类都好多！前菜系刺身拼盘，超新鲜厚切三文鱼啖啖肉。超多小食可以任食，特别推荐啲炸物，例如天妇罗、芋饼，都系皮薄馅靓，仲有辣酒花螺同清酒花甲都值得一试！叫左个寿喜烧同麻辣汤底，一定要试寿喜烧嘅腐皮！除左系食肉兽嘅盛宴之外，仲好岩一众海鲜迷！我地可以自己捞海鲜，新鲜鲍鱼、濑尿虾等等，非常生猛。最后一定要黎满足下个甜品胃，佢地个雪糕柜好正好多选择，最特别嘅就系包装雪糕球，第一次见！豆腐味一流！总结四个人三个人头费平均$300up伤害，性价比不错，好彩系佢为开始大热嘅时候享受左一翻。