鷹巢

营业中

休息中

惯常晚饭与好友油尖旺“打游击” 聚聚。 有中学同班校友自美国返港游玩，就胆粗粗约埋佢同埋我老公仔一行四人 book咗希尔顿间鹰巢晚饭试新嘢， 睇怕都唔平，但上网订位有 25%折㖞， 话晒酒店!。落 order 先黎个类似芋角嘅叫杏香带子酥，味道相当不错并卖相精致。本人是鸡痴，跟著上台喺炸子鸡，我唔客气先夹件试试， 唔………. 热呼呼皮脆兼鲜鸡肉好滑，座上其他人也赞好， 因只 order 了半只唔多够，但亦唔似其他酒楼一般大大碟鸡但鞋烚烚，始终小食多滋味嘛 Good!睇 menu 叫了南瓜赛螃蟹，吸引在贪佢相片南瓜面满舖蛋白， 侍应呈上台后，看见日本南瓜 size 的的式式很趣致呢! 食落都几丰富特别， 用料应该新鲜才有此口感！最后两款包括白玉藏珍(即冬瓜素食)及笼仔蒸饭。 蒸饭的咸虾及配料味道够晒香浓， 但食落……….. 底饭又真的太少， 我们一致嫌唔够喉啊! 坦白讲，下次有机会亦会再点笼仔蒸饭，它香气吸引， 祇要咸味减淡些， 饭底多一些， 未尝不是饱肚的佳之选。 整体嚟讲今餐饭 OK，好彩我预先订位， 7:30 后鹰巢已全满，它未尝不是旺角区一个富贵些少的饭聚新选择。