龍亭

今日想食日本铁板烧于是上openrice揾到一间「龙亭」日本菜，餐厅外面装修别树一格，好似冇一个正式嘅入口，见评价都唔错呢次就去试下喇。去到佐敦见到好大只字写住龙亭但系就揾唔到入口，我要上openrice先揾得返个入口。入到去中午十二点舖头啱啱开，唔使等位，店员有礼貌咁介绍今日有两个餐，分别系588同788，58系五个菜，788系七个菜，今日我哋就拣咗七个菜另外再叫多杯麒麟啤。前菜烟三文鱼黑醋沙律烟三文鱼包住啲用黑醋浸过嘅沙律菜，食物层次分明，先有烟熏味之后就到菜嘅鲜味。黑鱼子温泉蛋呢个估唔到咁好味，温泉蛋系暖暖地配上咸咸哋嘅黑鱼子食落鲜味十足。铁板海鲜方面我拣咗带子同埋白鳝带子上面有黑鱼子另外下面有翠玉瓜带子煎到啱啱熟入面juicy，外面焦香，白鳝方面就好似系烧咁样，香脆多汁，冇咩泥味。另外上面嘅泡泡系咸咸地，好特别，听店员讲可以清味蕾。肉类方便我拣咗A5和牛柳和牛有牛肉汁，配上手磨嘅山葵，仲有炸香嘅蒜片，香口得嚟又有层次，好食果然系招牌菜。海鲜炒饭饭入面有脆粒，饭上面有三文鱼子，食落有几种口感，而且啲饭有酱油香，好味又饱肚豆腐海带面豉汤豆腐系介左花嘅、面豉汤亦都香浓甜品系食雪糕豆腐