room 3

营业中

休息中

收工去左位置好方便的日式居酒屋Room 3, 装修由门面到餐厅内都好靓，Date Night Dinner for 2, 饮品Ananas Epice, 青柠味既Vodka,配菠萝、柠檬、柚子但系又带点辣，感觉清新。Emperore, 我个人口味好钟意依杯Cocktail, 味道非常之有层次，有威士忌、苦艾酒、阿玛雷托力娇酒、法国丽叶开胃酒、朱古力味苦精酒，全部都系唔同既酒，竟然可以夹埋同一杯，好有惊喜，大赞！仲要用个发光盒做摆设来打卡，好有心思的Signature cocktails.小食有吉列蚝，炸得好脆又无腥味、迷你蟹王蟹肉高夫挞，蟹肉份量好多又好有鲜味。串烧有孜然黑豚腩，烧得刚好，肉质好嫰、西班牙黑豚玉子烧，味道好夹而且层次丰富、鸡翼酿鲍鱼，第一次食到依个组合，原来可以咁搭配，鲍鱼仲要煮得好入味同淋、海胆帆立贝，依个真系最佳组合，好美味！主食有北海道辣味鱿鱼肝汁松叶蟹肉意大利面，食落好多重味道，有辣味又有唔熟悉既鱿鱼肝汁，偏向惹味，再配合返松叶蟹伴意大利面，好刺激到胃口！火炙牛海胆紫菜TACO寿司手卷，又有海胆，大满足！最后甜品有自家制红豆布丁同菠萝焦糖烧，都系有水准！