燊光Cafe

营业中

休息中

蓝地大街燊光Cafe，外面望好似好细，行入去原来都好大，同好多人食架。三个人叫左三个午餐，我们叫了菠萝鸡粒炒饭，梅子蒸排骨同埋三丝肉丝炒银针粉。午餐包汤同饮品，抵呀。菠萝鸡粒炒饭好大碟，炒得干身，d粒粒粒分明的，好多菠萝粒，仲要系鲜菠萝，鸡粒都唔少㖞，不会浓味，味道刚好。梅子蒸排骨，一碟白饭，一碗排骨，好香㖞，味道好好，梅子酸酸甜甜好开胃，排骨有d肥啦，可以接受。银针粉也是炒得干身的，有火腿，芽菜，肉丝，好味㖞，又唔会好油，好丰富的感觉。下次可以试埋下午茶，见到好多选择同几特别的配撘，好似肉酱意粉+蒜蓉多士咁。