影片
更多
2024-08-01
176 浏览
朋友带路黎到观塘食饭，餐厅位置离观塘站有D距离，系观塘帝盛酒店1楼。当时7点到达，都已经有约6台客人食紧，侍应好亲切，会主动介绍餐厅嘅特色菜。（唔想影到其他食客，呢个系离开时拍摄）选择困难症嘅可以无脑地拣二人餐或者四人餐，今次拣咗二人餐试吓。冰镇南非鲍鱼及海蜇拼醉香鸭舌冰镇鲍鱼好好咁切开咗，方便食用，食得出有少少酒味，但唔会有苦，系刚刚好的酒精浓度，鲍鱼可以一口咬开👍👍。醉香鸭舌好嫩，酒味略淡于鲍鱼，但一样好容易食用，咬下去，皮少少爽脆，之后可以好似凤爪咁，好容易食晒D肉。杏汁炖猪肺汤用紫砂茶壶上台，好得意，而且上台时，茶壶都好热下。由于紫砂壶保温，即使等耐D再饮都keep到温度。呢个汤平时系其他餐厅都好少有，就算有，味道都差少少。而呢间汤头浓郁，杏味比较突出，我好喜欢入面有猪肺、猪肉、鸡脚同螺片，真材实料。卤水鹅肉拼滋味鸡以二人餐嚟讲，拼盘份量都几大，每一片鹅肉都大大块，卤汁唔会过咸淡淡的，有存在感，但唔会喧宾夺主，鹅肉偏瘦，只有皮果层脂肪比较肥，整体上，食多几块都唔会觉得滞。鸡肉肉质嫩滑，煮到刚刚好，配上淡淡嘅卤汁几好食，底下仲有卤水豆腐，不同于平日见到有炸过既豆腐，佢属于嫩滑同豆
（唔想影到其他食客，呢个系离开时拍摄）
选择困难症嘅可以无脑地拣二人餐或者四人餐，今次拣咗二人餐试吓。
冰镇南非鲍鱼及海蜇拼醉香鸭舌
冰镇鲍鱼好好咁切开咗，方便食用，食得出有少少酒味，但唔会有苦，系刚刚好的酒精浓度，鲍鱼可以一口咬开👍👍。
醉香鸭舌好嫩，酒味略淡于鲍鱼，但一样好容易食用，咬下去，皮少少爽脆，之后可以好似凤爪咁，好容易食晒D肉。
杏汁炖猪肺汤
用紫砂茶壶上台，好得意，而且上台时，茶壶都好热下。由于紫砂壶保温，即使等耐D再饮都keep到温度。
呢个汤平时系其他餐厅都好少有，就算有，味道都差少少。而呢间汤头浓郁，杏味比较突出，我好喜欢入面有猪肺、猪肉、鸡脚同螺片，真材实料。
卤水鹅肉拼滋味鸡
以二人餐嚟讲，拼盘份量都几大，每一片鹅肉都大大块，卤汁唔会过咸淡淡的，有存在感，但唔会喧宾夺主，鹅肉偏瘦，只有皮果层脂肪比较肥，整体上，食多几块都唔会觉得滞。鸡肉肉质嫩滑，煮到刚刚好，配上淡淡嘅卤汁几好食，底下仲有卤水豆腐，不同于平日见到有炸过既豆腐，佢属于嫩滑同豆味浓既嫩豆腐，配上卤水都系清爽既，好食。
竹炭脆豆腐
一上枱个样好似臭豆腐，但其实系沟咗竹炭粉浆炸嘅豆腐。我唔系一上台即刻食，系等左一段时间食，但都仲系keep到好脆，里面嘅豆腐都系好嫩滑同豆味浓，脆皮有别于平时酒楼食到嘅金砖豆腐，皮好松脆，类似食新鲜出炉鲜奶球包皮嘅感觉，好特别，推荐。
米汤杞子浸时蔬
首先，二人餐嚟讲，呢个菜嘅份量好多，但作为一个每餐都要有菜嘅人，我觉得很满足，菜都煮到啱啱好唔会太淋，米汤同菜嘅味道系好融合。
招牌捞面
捞面配料系简单既葱丝、虾米、少少酱油、芝麻等等，调味适中，而且捞面系好爽、弹、滑，即使已经食到有啲饱，都忍唔住食多两啖，出色，一定要试。
总括而言，餐厅食物质素好有水准，推荐一定要食卤水、捞面同功夫汤，而且二人餐份量真系好足料，女仔嚟食，都够4个人食，好抵食。店员服务态度好好，会主动同客人推介菜式，亦有不时留意客人需要，想食有水准嘅潮州菜，推荐黎试试。
张贴
