黑門水產すいさん (棉登徑)

营业中

休息中

今日同亚女及男朋友仔，去尖沙咀睇完日落及灯饰后，路经棉登道，见黑门水产门口好吸引，无得去日本玩就入去食吓日本菜啦！北海道生蚝$78/1 只， 蚝算几大只及好新鲜冇腥味，肉质爽口好有蚝味🥰海胆蟹味噌甲罗烧$88蟹盖装满有蟹肉、蟹膏海胆蟹籽鹌鹑蛋同香葱， 职员好细心上枱俾大家打卡先，影完相先拎去烧，将所有材料混合一齐烧好，上枱加一片梳打饼一齐食，真系仲正过系日本食。 （加多两片梳打饼就更加好啦）寿喜烧牛肉锅$198 （可以加乌冬$35）寿喜烧锅内有豆腐，娃娃菜，金菇，秀珍菇，冬菇及薯粉，有四片牛肉都算份量适中，牛肉好嫩滑，寿喜烧汁不算太甜，乌冬口感烟靭，食完寿喜烧即刻温暖晒。海胆天妇罗$158用紫菜叶包住海胆去做天妇罗，味道我个人就觉得一般，海胆都系新鲜食好啲。极尚寿司盛合$468 手握寿司有12 件🍣，有我至爱既松叶蟹膏及海胆之外，还有三文鱼、油甘鱼、金目鲷、大拖罗、池鱼、帆立贝、三文鱼子、赤贝、牡丹海老及松叶蟹肉，件件都非常之新鲜好味，寿司饭都有调味，真系不用点酱油！黑门令彩虹丼$248🌈份量十足好抵食，有吞拿鱼肉蓉、吞拿鱼、三文鱼籽、海胆及蟹柳蟹籽铺满成个丼，寿司饭都已经调味。