新派韓食館 (已結業)

最近喺新翠邨商场开咗间韩国菜，心谂开得喺屋邨，咪又系啲挂羊头卖狗肉嘅假韩国餐厅，后来睇杂志见过有介绍，佢地嘅食物同饮品都几有特式㖞，之后再上开饭睇下，原来都几多好评，咁近我家当然要试下啦，于是星期六晚叫家人早点去等位先，6点几去到已经要攞飞等位了，等左大约半个钟就可以入座。店内环境几有特式，侍应都系年青一代，好有活力。饮品虽然唔平，但贪得意叫左嚟试下，芬达插草莓沙冰$38，双层草莓沟柚子沙冰$32，草莓梳打$20，全部都唔错炸酱面又系我常叫嘅韩国菜，虽然卖相黑忟忟唔系咁好睇，略带甜味嘅炸酱配爽滑嘅拉面，绝对系韩迷之选。