黯然燒魂

营业中

休息中

大坑虽然交通未算方便，但其实喺铜锣湾或者天后步行入嚟都唔算太耐，地方冇咁逼咁多人之余又有更多特色小店。今晚嚟到呢间串烧铺探一探店先～𓃗❝芝士大啡茹❞ ($68/2只)系小店嘅招牌名菜，本身以为只系芝士加大啡菇，原来里面仲有浓稠蘑菇酱料，一上枱已经香气扑鼻，食嘅时候要小心睇热因为咬落去真系会爆汁架ᕦ⊙෴⊙ᕤ❝明太子鸡翼❞ ($38/2只)将明太子酿入去鸡翼入边，明太子嘅鲜味配合鸡肉本身嘅juicy口感相当相衬，而外皮又炸到香口薄脆，好食！❝汁烧牛舌❞ ($38)牛舌fans食串烧冇可能唔嗌！超～厚切而黑椒味都相对浓郁，食落口感有嚼劲，一串三件份量大方令人食得满足。❝安格斯芦荀卷❞ ($38)牛肉同芦笋呢个搭配一向都深得人心，牛肉嘅油脂感加上芦笋嘅清爽鲜甜相辅相成，唔想斋食肉嘅话可以试试佢～𓃗❝蒲烧鳗鱼❞ ($68)鳗鱼唔算好用但系非常之大条，相当抵食呢。鳗鱼口感柔软爽滑，酱汁调配比例得宜，幸福感满满嘅料理٩꒰ ˘ ³˘꒱۶~♡❝双柠梳打❞ ($48)不得不提佢真系超～级大杯！非常适合食串烧依啲会食好耐、成日都想饮一啖清爽饮品嘅场合。甜度酸度都适中。𓂃𓈒 𓂂𓏸 黯然烧魂 𓏸𓂂 𓈒𓂃 @au