峇里堂

营业中

休息中

今日约咗啲旧朋友出去食饭，拣咗一间有特色嘅印尼餐厅。我哋嗌咗三款唔同嘅饭（鸡髀饭，猪肋骨饭埋炒猪肉饭）， 一个嘴刁小食同一条鱼。 嘴刁小食嘅份量比较少，而且食物都冇咩特别，所以吾系太建议叫。我觉得最好食嘅系鸡髀饭同炒猪肉饭， 鸡髀好大，啲肉唔会干身，上面有啲汁好好味，送饭一流。 而炒猪肉饭，如果本身钟意食香料嘅人， 一定会好钟意，因为佢落咗唔同嘅香料，好够味。最后就系条鱼啦， 第一下闻到条鱼嘅时候会觉得佢有少少臭， 但系食落就会发觉好好味，条鱼炸得好脆，啲酱汁又咸香咸香甘，不过条鱼啲肉吾多，四个人完全唔够分呀～嘢饮方面，就冇咩特别，我试咗杯青柠梳打，感觉一般般，完全系得梳打水嘅味道冇青柠味亦都唔甜。