新香園

营业中

休息中

汝州街近北河街一段由过去几年开始越来越多食肆进注，而这间老字号就系最近一、两年系此处开设第二间分店，今日路经见舖内不算太多人，便入内避下暑兼医下五藏庙。煎猪扒一丁 ( $37)原本想叫猪手面，但天气实在太热，唔多想食热汤食物，便叫了香煎猪扒一丁，睇到里度你可能会奇怪可解我又会叫一丁面呢，都系汤面㖞…? 原因系我睇餐牌上面张相，完全冇为意原来图片内系有少少汤嘅，我便一心以为系捞面，所以结果我都系食左一碗我唔系太想食嘅汤面，不过咁，汤面上块猪扒食落又几烟韧，如果可以切多几刀切细块 d 咁就仲方便入口，唔使成大块夹起来咬，用筷子处理真系有点难度。红豆冰 ( $20)奶同红豆比例为七三比，不太甜，红豆粒煲到软谂有少少起沙，有得饮又有得食，好味其实我都知入得来系应该叫佢地嘅招牌食品 ，惟有留待下一次吧。