THE BOTTLE & STEAK

营业中

休息中

平时情人节食一个简简单单嘅西餐都要千几二千蚊❤️❤️今年我同小王子揾左间高水准，价钱实惠嘅餐厅，做我哋情人节嘅选择。系西营盘a1出口转 右，行一阵间再上斜路，就到啦❤️唔系住港岛系我都一秒揾到👍🏻👍🏻👍🏻我同小情人嗌咗一份煮食，法式油鸭腿。初头以为系中式𠮶啲油鸭批咁嘅样啦，但系未试过法色就试下佢啦。❤️鸭腿好香好似有烟熏嘅味道又有少少腌酿嘅味道，咬落去好有肉汁㗎，外观同一只鸡髀系有啲相似，会有好多薯条同埋沙律去做配菜，钟意食有醋同橄榄油嘅沙律呢个沙律菜你一定好钟意。❤️黑松露虾多士好好食㗎。❤️温泉蛋大啡菇呢个真系一流记得趁热食唔好好似我咁，摆耐咗个温泉蛋就唔流心啦。❤️芝士爆谷鸡球好正呀记得拉起啲芝士好劲嘅拉丝呀❤️仲有脆卜卜炸云吞咬入去个虾好鲜味呀❤️烤纽约堡肠配忌廉薯蓉，香肠上面有一个汁非常之好食㗎我哋两个好似嗌多咗少少嘢食，真系好丰富，好味味呀。咁年情人节只系用咗四百几蚊咋，好开心能够遇上一间食材新鲜，服务认真嘅西餐厅❤️❤️