早安越南 (已結業)

喺红磡唔算好多越南野，行到去黄埔发现有间早安越南～平日唔算好多人排队，所以决定入去用餐～扎肉手撕鸡汤河— 汤底好清甜，唔系无味𠮶种。如果觉得太清嘅话可以加啲辣椒，辣辣地好好食！鸡丝好嫩，整碗面嘅材料都好新鲜。特式咖哩牛腩饭— 有啲似港式咖哩，但味道较辣；而且比较浓稠，有少少重口味🤣🤣不过我就系钟意佢咁惹味，用嚟捞饭一流！肉骨茶— 平时都好少见越南野有肉骨茶饮，所以决定嗌一碗。色泽好深，饮落有阵阵苦味，睇嚟材料方面都落得几足！而且好香中药味，饮完有种暖胃嘅感觉～蒜蓉炒贵妃苗— 对于任何蒜蓉炒嘅错都抗拒唔到🤩好大碟，而且条条都够嫩！唔系好油，食落都觉得健康啲🤪感觉今次呢间越南野系比较有新颖嘅感觉，平时喺其他越南餐厅都见唔到呢啲菜式。虽然如此，但系食物质素都做得几好，价钱对比起黄埔其他餐厅都系差唔多～不错啊！