喜記蟹將軍

营业中

休息中

喜记蟹将军顾名思义一定出名食蟹，但其实除左呢度最出名的避风塘炒蟹外，仲有好多𩠌菜值得推介，今日就黎左尖沙咀美丽华附近的喜记蟹将军试下。<避风塘炒肉蟹>蟹用上肉蟹，份量都好大，啖啖肉。而本身蟹够新鲜，所以肉质好鲜甜同够结实。呢碟菜当中精华系系避风塘，炸蒜好惹味，带少少香辣 ，又做到唔油干脆的效果，真系食得好滋味。最后试埋个蟹盖，劲多蟹羔、仲要炒香左，捞埋避风塘更加惹味。最贴心呢度系有埋拆蟹拆虾服务，咁你就可以食得有仪态同衞生!<椒盐富贵虾>椒盐富贵虾用上超大只濑尿虾，食个虾头都啖啖肉，虾身更加唔洗讲，配上椒盐绝对系最佳配搭之一。而当中最吸引系虾肉里面的虾羔，有画龙点睛的效果<豉椒炒蚬>豉椒炒蚬本身以为系正常𩠌菜，估唔到都有两个位要赞。首先系蚬肉，肉身劲大，包晒成个壳，而每只蚬肉都无沙，食得好舒服。另外呢度的豉椒的版本系超多蒜，所以又系𩠌饭之选。<招牌蟹油炒面>招牌蟹油炒面叫得做招牌真系有番咁上下质素，面够干身唔油，每条面捞埋蟹油特别香，配埋干蒜、香葱同芽菜增加味道层次及口感。最后仲叫左金银蛋浸时蔬，整餐好满足作结。