家賀屋

近排試過呢間銅鑼灣上樓嘅日本菜，非常有質素，價錢reasonable，其實佢呢度都算大我哋坐一陣已經坐滿曬人。首先我哋點咗紫菜炸魷魚，炸軟殼蟹，佢哋非常惹味炸得恰到好處，跟住我梗係要嗌我嘅巨峰提子乳酸梳打酒，聽個名都覺得佢好飲，佢仲分咗大中小杯，真係好飲到停唔到口，跟住就有加拿大海膽軍艦，三文魚籽軍艦，海膽手捲，特選海鮮井定食，呢度定食有沙律，有湯同日式燉蛋，真係好！你睇下真係超級靚同埋超級大碗，鮑魚同埋魚片鋪滿成隻碗，最緊要係呢度坐得舒服，食物有質素，原來呢間餐廳就係嗰個啤酒廣告嘅拍攝地點，唔怪得咁熟口面又咁靚！