名捌月 (已結業)

今日嚟到荃湾捐血站附近呢间西餐厅，唔细心留意真系比较难发现，望倒门口大餐牌嘅食物相片好吸引㖞，价钱唔算太贵，决定入去试下。我地一行三人叫左三个套餐，平均每人七十蚊倒，有餐汤、主菜、饮品之余，仲有salad buffet系free嘅好抵呀~【法式龙虾汤】味道浓郁，颜色漂亮。【忌廉磨菇酥皮汤】酥皮酥脆，蘑菇汤香浓幼滑。【美国西冷牛扒】拼薯条配上胡椒汁，肉质鲜嫩，幼滑多汁， 有嚼口而不会刃，食落唔会有渣。【意式吉列羊架】配牛骨汁，完美配搭，外层脆卜卜，羊架一d酥味都冇，salad buffet嘅salad味道调配得好好，仲有甜品食添，最后仲饮埋【冰震奶茶】同【冰震朱古力】，好满足呀！埋单二百蚊都唔洗，地点方便，地方干净，食物又有质素，选择又多又丰富，下次一定要嚟食过。