醉鮮靚湯特色粉麵

营业中

休息中

今日行完葵涌广场， 就去咗就去咗后门出口嘅礼芳街揾食。 呢度有间叫《醉鲜靓汤粉面》 嘅茶餐厅， 都几多街坊赞好， 而且我又好钟意食醉鸡， 当然要去试下。叫咗个【香煎咸鱼肉饼拼猪润醉鲜面（ 鱼汤）】， 呢度嘅醉鲜面， 老板娘话系招牌， 识起嚟较米粉粗身， 但较米粉滑溜， 食落都几爽口， 可惜我钟意食淋面， 得唔到我喜爱。 香煎咸肉饼不过不失， 煎得几香口， 可惜咸鱼味无乜。 猪膶反而有惊喜， 爽口得嚟又带点粉， 唔会拿得太过分。 至于鱼汤底， 都只不过系普通， 奶白色够， 但鱼味唔算浓郁。 见到枱面有啲虾干仔， 就毕咗啲落个面，食落亦唔见得有太大帮助。至于最期待嘅【醉鸡】， 亦只系不过不失， 鸡肉唔算太滑， 不过依家又话啲鸡有乜野ESBL菌， 都系熟啲稳阵啲， 至于酒味就调教得几好， 可能个人口味比较钟意酒味浓， 咸同酒味调配得唔错。跟餐日加咗个【柠檬薏米蜜】， 柠檬味酸酸甜甜， 饮落有啲似沟咗益力多， 薏米煮得淋， 不过还是觉得「吐司盒」嘅薏米水较为出色。总括而言呢间茶餐厅尚算有个人嘅特色， 难怪得到街坊嘅支持。 不过如果专登去，就冇乜需要啦。