京滬佳餚 (觀塘銀八) (已結業)

呢排食得多西餐，所以全口味食返中餐先，今日拣左京沪佳肴，因为想食北京烤鸭🦆，仲要抵到有$7酸菜鱼，估唔到有咁笋优惠呀！！晚市肯段都坐满咗好多人食，睇嚟我都冇拣错啦！我哋叫咗壶陈皮普洱茶，第一次见酒楼会咁细心，会有个加热嘅器皿，一路助热啲茶，确保我哋饮到嘅都系热茶，呢样嘢好值得赞！首先先嚟咗招牌小笼包，皮薄馅靓，如果再热啲嘅话就更加正，应该系我影相影得耐咗🤣🤣🤣🙈之后嚟咗我最期待嘅京沪香酥烤鸭（半例），同样我留意到佢细心嘅位，亦都有助热啲片皮鸭👏🏻👏🏻想讲佢嘅片皮鸭好出色好有水准，加上啲青瓜丝同葱，味道可口，齿颊留香🤩🤩登登登登！$7金汤藤椒酸菜鱼黎啦！冇谂过$7都有咁大碟份量咁多，真系好crazy!!! 即使咁平，佢嘅水准依然，好味道呀，真心100%推介👏🏻👏🏻嚟到除咗试啲平时食到嘅嘢之外，梗系要俾啲特色嘅菜式，今次叫咗香麻龙虾荳腐花，我觉得呢个菜式非常特别，上层系香麻嘅肉碎粒加名贵嘅龙虾，下层真系我哋平时食嘅豆腐花甜甜嘅，香辣口味同甜嘅口味互相辉映，味道👅有唔同嘅层次，唔使龙虾都非常之鲜甜，真心唔错呀！