逸龍軒

营业中

休息中

早排网上见到北角海逸酒店中菜厅「逸龙轩」出咗个好特别的中式点心tea set, 点心造型好卡通都好适合一家大细食，今日我先带囡囡到炮台山东岸公园放吓电先～到中午搭港铁过条马路好快就去到逸龙轩，哗！交通好方便㖞～入座后等左10分钟左右tea set出场，当然相机食先啦！同囡囡影番够本先！食物分三层第一层有天鹅造型的芋角、小鸟的凤梨酥。第二层我囡囡比较喜欢因为有两粒好鲜味的松露煎带子，蜜梨咸水角都好松脆。要赞下个叉烧既汁好香、肉质又嫩滑。第三层最抢眼就一定系只懒瞓猪奶冻，可能太可爱啦！囡囡反而唔舍得食咗佢落肚，但我就喜欢食怀旧西米布丁，因为里面有莲蓉好香好好味。最后叹吓花茶倾吓计天伦乐好满足，价钱都几实惠。