Romanova Bakery (已搬遷) 新店位置

8月有家人生日，拣左呢间黎订。Through website 订左一个8吋 Pistachio Honey Cake，喺元朗厂取货。取货地点都算易揾，同近地铁站，但环境就比较旧，走廊好多杂物。去到㩒门钟，喺门口等 staff 拎蛋糕，佢地一早包装好，所以好快拎到。但走左先发现佢地没俾刀，唔知系佢地没定点，不过订大蛋糕通常都会俾把胶刀。Honey Cake 黎讲佢好实身，口感有啲硬同干。开心果既味道唔浓，但同蜜糖系夹既。如果连𠮶面既开心果碎一齐食，开心果味就够，整体好食啲，但系佢开心果碎比较少，如果多啲开心果碎，味道会好好多。生果就主要系装饰，正常。整体就不过不失，无论质感同味道都可以更好。