尚宴21

营业中

休息中

同阿嫲同佢d朋友去饮茶，佢地提议去尚宴。之前试过晚饭一般般，但都可以试下午市既点心。凤爪排骨饭个饭唔系原盅入面蒸熟，所以唔够烟韧干身，无咁好食。炸虾角入面d虾几弹牙，调味几好，炸得超脆又不算太油。烧腩仔个皮够脆又松化，肉质ok，不会太咸，好怕d咸到hihi既烧肉。我本身好中意食萝卜丝酥饼，去到边都会嗌，见到有当然又要试下。酥皮不算太油腻，但萝卜丝太幼，系爽脆唔系久煮后既𠮶种口感，调味颇清淡。呢间食得出系无味精，调味整体几清淡，但味道同卖相都有进步空间。