Rustic Eatery

营业中

休息中

朋友好大力咁推介嚟呢一间试下，咁就即管听下佢讲啦。一行四人叫咗个牛鸡鱼意，可惜无影到佢个乜嘢al ajillo定aglio e olio今日嘅汤系青豆汤，无cream。处理得好好，有青豆味但唔会有青豆嘅草青味。但钟意青豆嘅草青味嘅话呢个汤就唔啱你喇。Set Lunch跟嘅面包正正常常。只系我唔太钟意佢用𠮶只牌子仲要独立包装嘅牛油。佢flank steak medium 其实整得几好牛腹肉一唔觉意整过龙就会用嚟练牙力整得唔好又会齿唔开…而家餐厅就唔同，够稔身得嚟又唔会太烟韧三文鱼，外皮煎到香香脆脆鱼肉熟嘅程度啱啱好。其实呢间餐厅仲有wine and cocktail，即系因为我下昼去所以先无叫。见佢仲有吧台，下次去有机会都想坐下吧台饮下酒倾下计。服务几好，侍应好客健谈。冇乜甩漏。