影片
更多
2024-09-18
1586 浏览
《KABOOM - 尖沙咀》星期五放工，例牌都要松一松☺️有阵时收工之后真系想好好休息吓饮杯嘢放空一下自己😉而家有好多餐厅其实都有埋酒吧，可以食饭饮酒一条龙唔使四围转场，餐厅仲可以帮你配搭一下食物同埋适合嘅酒精饮品🤓所以上个礼拜五，我就book咗枱去尖沙咀呢一间人气嘅泰式餐厅食饭兼饮杯嘢，餐厅有分室外位置同室内位置，天气凉啲嘅话坐出边可以望住维港海景，成件事好浪漫啊☺️当晚我喺餐厅室内食完饭之后都转左上去天台位置继续饮嘢😎虽然当日天气有点热，但系坐喺rooftop 其实一啲都唔觉得翳焗，除咗有海风之外，餐厅都安排咗好多冷风机喺呢度调节温度，情况许可下，其实我会喜欢坐天台多啲，个感觉有啲似喺芭堤雅海边嘅餐馆，望住bartender 调酒，听住音乐，成件事好chill💁🏻♀️Thai Beef Tartare with Bone Marrow泰式牛肉他他拌牛骨髓嘅味道有别于出边西餐厅食到嘅咁creamy，呢一度加入咗泰式嘅做法，食落酸酸地又带啲香料嘅风味，仲有青柠嘅清新，咬落有口感，将他他酱涂抹于薄脆片上面食几开胃，而且份量都唔少㗎💁🏻♀️Goi Cuon Salmon Rice Paper
星期五放工，例牌都要松一松☺️有阵时收工之后真系想好好休息吓饮杯嘢放空一下自己😉而家有好多餐厅其实都有埋酒吧，可以食饭饮酒一条龙唔使四围转场，餐厅仲可以帮你配搭一下食物同埋适合嘅酒精饮品🤓所以上个礼拜五，我就book咗枱去尖沙咀呢一间人气嘅泰式餐厅食饭兼饮杯嘢，餐厅有分室外位置同室内位置，天气凉啲嘅话坐出边可以望住维港海景，成件事好浪漫啊☺️
当晚我喺餐厅室内食完饭之后都转左上去天台位置继续饮嘢😎虽然当日天气有点热，但系坐喺rooftop 其实一啲都唔觉得翳焗，除咗有海风之外，餐厅都安排咗好多冷风机喺呢度调节温度，情况许可下，其实我会喜欢坐天台多啲，个感觉有啲似喺芭堤雅海边嘅餐馆，望住bartender 调酒，听住音乐，成件事好chill💁🏻♀️Thai Beef Tartare with Bone Marrow
泰式牛肉他他拌牛骨髓嘅味道有别于出边西餐厅食到嘅咁creamy，呢一度加入咗泰式嘅做法，食落酸酸地又带啲香料嘅风味，仲有青柠嘅清新，咬落有口感，将他他酱涂抹于薄脆片上面食几开胃，而且份量都唔少㗎
💁🏻♀️Goi Cuon Salmon Rice Paper Rolls
三文鱼米卷入面包住嘅系用咗泰式酱汁腌制过嘅三文鱼刺身，仲有爽口嘅青瓜同埋萝卜，外皮咬落烟烟韧韧又好香米味，少少旁边辣辣地嘅酱汁食都几惹味，我觉得最正系佢呢一个米卷绝对唔似前菜嘅感觉，反而有啲似主食，配一啲比较dry少少嘅酒精饮品应该几唔错👍🏻💁🏻♀️Flank Steak with Tomato Butter Risotto
主食方面，我哋叫咗两个主菜share一齐食，呢一个risotto 个酱汁系用咗蕃茄酱再拌埋忌廉汁制成，同样地系食到唔少香料嘅味道，例如九层塔、柠檬叶等，感觉好易入口同埋好清新，上面嘅牛肉应该系用慢煮制成再煎香，咬落好软腍，但系外层有招脆嘅口感，唔需要点任何调味都好好食啦
💁🏻♀️Thai Crispy Pata
本身唔知叫咩好，店员就推介我试吓佢哋嘅pata，原来即系脆猪手😂超大份，我觉得两个人食都完全唔过分，猪手外皮好脆，入面嘅皮脂充满胶质，呢个时候就梗系要饮啤酒中和一下油腻感觉，佢入面嘅肉都煮到好软腍腍，点埋旁边嘅甜酸酱就最啱不过，连旁边嘅沙律菜都好好食，用咗黑醋汁拌碟，如果唔介意旁人嘅目光，真系好想拎起旧骨头嚟咬😂因为旁边仲有好多胶原同埋好多筋膜都好惹味㗎🤭
💁🏻♀️Damn Pissed Off!
食饭嘅时候唔想饮咁浓烈嘅酒精，所以我哋两个人叫咗唔同嘅Cocktail试吓，因为呢一度嘅鸡尾酒其实好有名㗎😌好多人专程过嚟打卡😜第一杯嘅Damn Pissed off 外型十分可爱，佢系用咗一个浴缸造型嘅杯装住Vodka同埋热带果蓉制成嘅Cocktail，入口Fruity 而且解渴，仲好打卡able，旁边仲有只鸭仔添😍
💁🏻♀️No More OT Please!
虽然我好少OT，但系我都希望以后都唔使OT🤓店员推介嘅呢一杯Cocktail都系味道较香甜，用咗一只雀仔造型嘅杯装住，入边有石榴汁、柠檬汁等调味，酒味比较上浓少少，我觉得作为pre-drink 既cocktail 黎讲仲可以浓多少少🙂↔️不过其实我哋食完饭之后都转左去天台度继续饮🥰圆满嘅Happy Friday
张贴
