味苑 (已結業)

放工后揾地方医肚，经过湾仔见到呢间食肆，都几光猛，咁就求其入去食，坦白说是没有期望，但是侍应都几好礼貌，再望到餐牌，都几醒神，有分类，有图睇，有必食推介。咁就叫咗两个必食推介，一个系咕噜明虾球，一个系脆炸牛坑腩，再叫多一个海皇一品豆腐煲。虽然冇期望，但食落就有喜出望外的感觉，完全冇中伏，首先个咕噜明虾球，酸酸甜甜开胃不特止，D炸虾球炸到弹牙，即时要叫多个白饭食，第二道菜脆炸牛坑腩，都比较少见，呢个真系无得顶，外皮好脆，但牛坑腩整得刚刚好，牛肉味香又浓，食到口不停。最后个豆腐煲，好足料，豆腐好滑，只虾又入味又弹牙。最后个侍应仲送多个木瓜雪耳糖水，可以滋润下，啲雪耳煮得又冧又滑，很有骨胶原的感觉。总括来说，正，可以encore。