山東餃子館 (已結業)

今日兴起想食饺子，同朋友行过见到呢间饺子店，而且又不太多人，就入去试下先~~~一入到去，店员就拎左一杯茶同一对筷子黎。好特别估不到竟然会拎杯茶黎！不过枱上冇茶壶，添茶要麻烦店员帮忙。呢度可以拣净饺/配面，净饺有10只，配面有5只。除左水饺，仲有其他小菜选择添~因未食lunch，我地决定要韭菜鲜肉水饺面同埋白菜马蹄鲜肉水饺面~韭菜鲜肉水饺面面条烟韧弹牙！份量都几多！食到好饱！水饺大大只，皮薄饀多，饺子肉汁丰富鲜甜！白菜马蹄鲜肉水饺面水饺一样大大只，皮薄饀多，肉汁鲜甜。配上马蹄爽脆清甜，口感更丰富，相比韭菜饺冇甘浓味~整体来说，饺子不错，值得再试！