摩豆 (已結業)

今日要去金鱼街帮只龟龟买野食，果阵就大约5点钟左右啦，行行下就觉得肚仔又开始饿啦，但系夜晚又约左人食饭wor!为免食得太饱，咁早唯有揾下d小食啦！望下个openrice,发觉左e间人气小食店系附近，咁就去试下啦！去到果阵都见到有几个人客系度等紧啦！生意都唔错，咁我就望下个餐牌先!咁佢d款式都好多呀！而且就非常创新，有咸有甜，最特别系见到个罗宋汤鸡蛋仔同埋个肉松虾干鸡蛋仔，其实都念住试下呀！不过自己当时就想试下d甜野，基本上佢销量头三名我都好想试，流心蜂蜜，宇治金时同埋积及橙朱古力都ok，最后由于后面有其他客人等紧落单，我就极速选左宇治金时味同埋点左杯桂圆红枣茶啦！咁佢系即叫即整呀，等左大约十分钟左右，有得食啦！鸡蛋仔颜色好靓，沟左d绿茶颜色，咁就拿拿声衬热食啦，食落去果下外面非常脆，唔会话系好硬，可能系即叫即整嘅关系啦！另外粒鸡蛋仔个心系好足料，好多同好浓抹茶味，另外有大部分鸡蛋仔重会有d红豆粒粒，非常有口感，感觉上佢地由设计到出品都系落左唔小心机同功夫呀！抵赞!桂圆红枣茶，个杯设计都好细心，有杯垫，而佢都好足料，入面都有好多红枣肉，但系讲真就真系偏甜啦！唔解渴!下次会再试下其他味道。