影片
更多
2019-07-28
2633 浏览
旧同事生日，知佢不嬲好钟意食日本野，我特登上网揾咗间喺佢屋企附近嘅日式小店同佢庆祝🎉店子细细，装修以日本居酒屋风格为主，好有地道日式小店嘅风味。是夜由师傅同另一店员四手包办，呢晚我地拣咗食omakase，由师傅发办。我地睇住师傅包办好全晚嘅菜式，每道菜都好用心去完成👏🏻仲同我地有讲有笑，细心介绍各种食材。⭐️粟米•枝豆•蕃茄忌廉芝士摆盘精美，粟米清甜爽口，枝豆面层略洒海盐，咸咸地食得过瘾，蕃茄仔竟然细心地去咗外皮！夹住中间块cream cheese一啖食，清新开胃！⭐️北海道牡丹虾肉质弹牙，啖啖肉好鲜甜，食咗虾刺身之后，师傅会留返个虾头做下一道菜之用。⭐️油甘鱼•池鱼厚切油甘鱼，色泽亮丽，肉厚肥嫩；薄切池鱼口感爽脆，味道清甜。⭐️手钓池鱼•伊佐木手钓池鱼颜色呈淡白粉红，鱼味浓厚并更为鲜甜；伊佐木肉质比较结实弹牙，火炙过后更带出油脂嘅惹味。⭐️鱿鱼海胆•大拖罗鱿鱼𠝹坑再包住紫菜同海胆，卖相吸引。鱿鱼爽滑，海胆鲜甜肥美；大拖罗颜色比一般拖罗较白较粉，正正系因为佢嘅鱼油更为丰富，入口即溶，油脂非常甘香！⭐️日本生蚝师傅建议我哋唔落任何调味，直接品尝生蚝嘅原汁原味，味道果然鲜甜肥美。⭐️日本南瓜沙律系时候再
店子细细，装修以日本居酒屋风格为主，好有地道日式小店嘅风味。
是夜由师傅同另一店员四手包办，呢晚我地拣咗食omakase，由师傅发办。
我地睇住师傅包办好全晚嘅菜式，每道菜都好用心去完成👏🏻仲同我地有讲有笑，细心介绍各种食材。
⭐️粟米•枝豆•蕃茄忌廉芝士
摆盘精美，粟米清甜爽口，枝豆面层略洒海盐，咸咸地食得过瘾，蕃茄仔竟然细心地去咗外皮！夹住中间块cream cheese一啖食，清新开胃！
⭐️北海道牡丹虾
肉质弹牙，啖啖肉好鲜甜，食咗虾刺身之后，师傅会留返个虾头做下一道菜之用。
⭐️油甘鱼•池鱼
厚切油甘鱼，色泽亮丽，肉厚肥嫩；薄切池鱼口感爽脆，味道清甜。
⭐️手钓池鱼•伊佐木
手钓池鱼颜色呈淡白粉红，鱼味浓厚并更为鲜甜；伊佐木肉质比较结实弹牙，火炙过后更带出油脂嘅惹味。
⭐️鱿鱼海胆•大拖罗
鱿鱼𠝹坑再包住紫菜同海胆，卖相吸引。鱿鱼爽滑，海胆鲜甜肥美；大拖罗颜色比一般拖罗较白较粉，正正系因为佢嘅鱼油更为丰富，入口即溶，油脂非常甘香！
⭐️日本生蚝
师傅建议我哋唔落任何调味，直接品尝生蚝嘅原汁原味，味道果然鲜甜肥美。
⭐️日本南瓜沙律
系时候再食返个沙律中和一下，南瓜味浓郁香甜。
⭐️日式豆腐
豆味香浓，酱汁酸甜开胃。
⭐️烧和牛横隔膜
牛味浓郁，肉质非常鲜嫩；伴碟嘅沙律同蜜糖芥末籽亦都好好味。
⭐️北海道牡丹虾头汤
之前嘅虾头返嚟啦，原来师傅拎咗去肴汤，虾膏味浓郁，好有虾嘅鲜味。
⭐️豆腐雪糕天时暑热，最好食返个雪糕做甜品。
张贴
