住家菜 (已結業)

13 February 2007 (Tue) - 晩饭旧同学生日，我book咗位黎呢度食，记得呢度劲多人黎排队，所以我决定book位先，而且佢亦话要齐人至比人座，所以我下旨叫全人类不得迟到！少有地成班同学都冇迟到，我好感动！我已唔记得叫咗啲乜，但系订位时就book埋个唔知咩鸡半只同南瓜排骨，听讲系招牌货，所以我都唔执输！坐低后同学老公发板，所以完全唔知佢叫咗啲乜，直至黎到先知，样样嘢都好啱胃口，我哋亦清晒我哋所ordered既八样𩠌，未计汤，我哋先七个人都叫成九样样嘢，真系吓死人，但系绝无冷场，所以食物都落入我哋肚中，记得系生日𠮶个同学指定想黎呢度一试，而佢亦食得非常开心，佢觉得呢度好味指数系爆灯咁滞！确实，除咗特别order𠮶样，同埋个竹筒饭之外，我都唔太记得食过啲乜，只系知道样样都好好味！最正系啲服务系一绝！成日都走埋黎同我哋讲下笑，睇下我哋要啲乜咁！到最后埋单大家都觉得抵到笑大人个口，每人都只系夹$95，已经系请咗生日𠮶个，个个都话要再黎食过！今次既生日兼gathering真系好开心呀！