上海姥姥 (Citylink)

营业中

休息中

好耐无见朋友仔，好难得夹到时间，我突然好想食上海嘢，佢又想去新城市广场，咁就拣左上海姥姥。其实呢，佢有下午茶餐，不过我哋见有蟹粉系列，所以决定散叫。鸡丝粉皮(轻盈）粉皮最重要就系酱汁，呢个麻酱够香，捞左粉皮好好味。鸡丝不会太硬，整体都好味。蟹粉浓汤水饺拉面呢个一般般，蟹味唔算浓。特上蟹粉小笼包咬落都有汤汁，不过同面一样蟹味不够浓。另外叫左鲜肉锅贴，因为挂住食唔记得影相下午茶时段指定餐牌有9折，不过蟹粉类就无折啦。整体食物不过不失，但服务就有好大进步空间。第一下午茶时段有好多位，但我哋2人安排2人位，我见隔离2人会有1.5张枱，另一边直情有2人坐4人位呢2枱人应该系繁忙时段入座，我哋已经2点几到，好多人走，反而佢俾一张2人枱我哋。好彩啲食物唔系一次过黎，如果唔系一定唔够位放。另外我哋坐喺贴住间隔𠮶张枱，啲姐姐就直接喺𠮶到放食物落枱，佢贪方便我ok，但佢明知𠮶个位有食物都唔行多2步去另一边放低同收起唔要嘅碟，要我哋帮佢手攞住碟𩠌，再帮忙递个吉碟俾佢。其实佢唔系茶餐厅，要收茶钱亦收加一，我觉得呢个服务唔合格。