Paul Lafayet (已結業)

呢日朋友生日，初时未谂到买边间嘅蛋糕，经过Paul Lafayet谂住望下有咩款嘅蛋糕可以拣；咁岩见到好耐以前试过嘅特浓朱古力脆饼有大size,所以就决定要呢款啦！其实Paul Lafayet除左最出名嘅焦糖炖蛋外，之前试过马卡龙同蛋糕都好出色架！而今次再食特浓朱古力脆饼，仍然保持水准，朱古力味够浓、面层软滑，底层就脆！今次购买经验都想赞下店员，虽然系平日，但都算多人买野，我前面都仲有2-3个客等紧，店员都好淡定，好有礼貌地叫我地耐心等多阵；我都醒唔起要写生日牌，都系店员主动问我要唔要加$10可以写埋生日牌，问我要唔要加d心心、笑哈哈咁；又问我住边度，远唔远，提我天气热要尽快放雪柜雪，非常贴心！另外就系因为店舖不获商场续约，所以最后营业日去到7月31号咋，唔好摸门钉呀！