Salt Recipes (已結業)

之前同朋友黎食过一次晚饭，觉得食物同环境都好好，今次带朋友黎庆祝生日！八点几九点到，唔洗等位，一坐低就叫野食！叫左蘑菇浓汤，啤酒鱼薯条，芬兰春鸡同埋一个特色既蟹肉三食，仲叫左枝南非白酒！正！！先讲个汤，卖相好靓，香浓幼滑，店员仲好细心问要唔要黑胡椒！个炸鱼皮薄香脆，鱼块好新鲜好juicy，除薯角仲有炸蕃薯条，配搭几新鲜！个烧春鸡好嫩滑，有手套提供就当然狂野地撕开😂至于个蟹肉三食..其实个名我改，我唔记得个菜式名😜由蟹肉沙律食起，酸甜芒果粒配上啖啖蟹肉沙律，好开胃！跟住就食炸蟹波波，成粒都蟹肉真系不得了！第三就食个蟹肉意大利饭，有d蟹籽再加蟹膏香！好惊喜！最后讲埋枝酒，好有果香，好岩女仔饮！有d热情果同奇异果味咁！成晚都觉得店员好nice好有礼貌，个环境又好舒服，食物又好食，期待下一次再黎！