阿茶茶。館 (已結業)

朋友生日，三个人一齐去食晚，之前有朋友介绍我哋去呢一间。我哋事先已经book左位，间铺头入面好细，如果无book真系好大机会唔会有位。我哋带咗三个主菜，其中一个系炸鱼薯条，一个呢就叫做牛腹扒，一个系黑松露杂菌意粉。其中两个系餐，所以有两个餐汤同埋两杯热饮。首先嚟嘅系蕃茄汤，番茄汤应该系茄膏做，当然亦饮得到佢真系有新鲜嘅蕃茄存在嘅，所以呢餐前汤来讲都已经系有一啲诚意。同时佢仲有几条面包饼干条，虽然系一啲现成买嘅产品但系都几好食嘅。炸鱼薯条炸鱼并唔系用龙脷柳做嘅，薯条系一啲比较阔身的，唔会揸到好脆但又唔会好林，刚刚好。牛腹扒佢嘅建议系三至五成熟，但听到三成熟有一种茹毛饮血嘅感觉，所以我哋选择咗五成熟。呢个五成熟系有牛肉的鲜味，仲配个紫色嘅番薯茸，好好味。黑松露汁菌意粉相比之下就失色左少少，因为呢感觉上太油。黑松露系选择用黑松露酱油所以比较油腻。我哋的食得唔算好饱，埋单唔洗500蚊，合理价钱。