四季文昌 (已結業)

复活节假期最后一天，出咗太子旺角行街，喺弥敦道望过去基荣小学发现呢间餐厅，占成层一楼，上到去更惊喜，地方非常阔落，餐厅周围都系书架，既文昌又文青，以为自己嚟咗书店cafe。午餐价钱十分相宜，仲包埋炖汤及饮品，个汤是椰子炖鸡，打开盖好香椰子味，有一两件鸡、椰子及红萝卜。海鲜喇沙乌冬~上菜时已经闻到香喷喷嘅喇沙汤味道，材料包括鲜虾、青口、蟹柳、豆卜，乌冬爽口弹牙，个汤底好浓好够味。叉烧煎蛋盖饭~蛋做得非常滑，口感唔错，叉烧入味够淋，整体卖相好吸引。荔枝冰茶~口味清新，唔会太甜，是我喜欢的味道。菠萝梳打~冰凉感觉，出面天气炎热，朋友话啱晒。果然是四季，有四个偏厅，春、夏、秋、冬，都好适合一大班朋友一齐打边炉。店内摆设很别致，食客们都喜欢四处打卡拍照。午市套餐抵食，下午茶餐也吸引。