豪隍點心工房 (已結業)

我们一行4人，因为有同事极力推介豪隍点心- 虾饺皇同烧卖皇，虽然观塘有啲远，但因为新年未开工，所以就一齐去试。我哋分别叫咗11款点心 ： 虾饺皇 同 烧卖皇 - 真系劲多虾 ，钟意食虾嘅朋友不妨一试； 豉汁蒸排骨 - 本人就觉得一般，因为我觉得有啲排骨好多肥膏；豉汁蒸凤爪- 都ok入味；五香金钱肚 - 卖相同份量都ok,都够入味同埋唔算好韧；凤爪排骨饭- 虽然睇落份量唔系好多，但胜在啲饭够干身粒粒分明，好味；墨西哥叉烧包- 感觉上比出边酒楼好似细少少（𠮶包）但胜在入边啲叉烧冇乜肥膏所以都好味😋；莲藕煎鲮鱼饼 - 煎得都OK，太会太㶶同太油；香茜牛肉肠-一般，因肠粉唔算太滑；沙律什果鲜虾云吞-本人无食，所以唔知好唔好味；龙仔马拉糕- 卖想都唔错，但因为太饱无食，同事食完讲好味。整体食物质素都ok,值得一试👍🏻😊。但如果大家想试记住要book位，如果唔系就要系楼梯位排队。服务一般，因为职员好忙，但都快手快脚，不会只顾倾计唔做嘢。价钱方面不算特别平，跟一般酒楼价钱相若，但质素比一般酒楼好。改善方面：如果用膳时间长少少会较好，因为得70分钟比较赶，如果想倾计就唔系好够。