酒常堯Grill & Chill

营业中

休息中

今日OpenRice入边预约咗一间食烧烤、饮啤酒嘅餐厅同朋友一齐聚会，呢间系人世特色餐厅，入口唔容易揾到，舖头地方唔算大，但系装修好精致，舖头中间位置系一个好大嘅吧枱，呢度提供好多唔同嘅款式嘅调配餐饮可供选择。而厨房入边就主要做烧烤、炸物等小食。餐厅提供的座位唔算多，所以嚟之前最好先预订座位。除咗饮酒呢度嘅小食，包括串烧同炸物都非常之出色。首先我哋叫咗「酥炸生蚝」同埋「酥炸芝士」，食物一齐上碟，佢哋都系外皮黏上炸粉，造成吉烈脆炸嘅效果，外皮非常香，炸蚝入边好蚝好新鲜，而且内里充满肉汁，好Juicy。炸丝士就做到芝士拉丝嘅效果，烟烟韧韧，芝士小小咸，好香浓嘅芝士味，非常惹味。饮品方面，呢度有多款啤酒可供选择，一班朋友倾吓偈，成晚流流长，又唔想咁易饮醉，啤酒系最好嘅选择。另外我哋拣咗一杯由威士忌调配出嚟嘅餐饮，甜甜地，各有酒味，真系好容易饮醉咗都唔知。