Paul Lafayet (已搬遷) 新店位置

系v city完饭，之后去左市广场行街。见到1/f 开左间Paul Lafayet 。之前都有系其他分店买过蛋糕同macaroon觉得蛋糕几好食。所以今次想试下佢比较主打嘅creme brulee ，因为佢地系叫𠮶时先烧D焦糖落去，几得意，起码吸引到唔少人睇。买左两个mini Creme Brulee ，一个原味，一个earl grey 味。先讲原味，滑度足够，蛋味就不足，焦糖偏厚令整体太甜，盖过原有仅余嘅蛋香。而Earl Grey味，Earl Grey本身味道太强烈，完全令所有Creme Brulee 嘅味道尽失，但因为Earl Grey嘅茶味反而可以中和太多嘅焦糖甜味。但咁已经唔系食紧Creme Brulee 啦总括，原味一般，怕甜就唔好食啦，Earl Grey味唔知想点。不如用普通红茶味仲好。有一样野可以大赞，因为其实佢地既档位，摆收银既位置系好错，搞到成日两头走，又要整雪糕或者Creme brulee ，又要收银或者冲咖啡，但佢系咁辛苦既时候都仲好有笑容有礼貌值得一赞。