影片
更多
2016-07-04
2957 浏览
临近父亲节，阿爸话想去富临食下小菜，咁就过咗观广15楼啦。去到门口𠮶个只问一句：「小菜定火锅啊？」咁我阿爸不嬲都觉得打边炉好热，咁我哋梗系二话不说答：「小菜喇！」入到去坐低左，咁我哋梗系即刻睇下个餐牌啦，离远有个阿姐即刻行过嚟企系我哋将枱隔离。咁我哋谂住都未决定好，就同个阿姐讲：「我哋睇多阵餐单先，转头再叫你过嚟啦！」点知个阿姐扮听唔到，眼定定望住我地，只脚仲好似痴咗胶水郁都冇郁过！搞到我地好尴尬。咁都算啦，我哋喺度睇紧餐单，个阿姐就系咁系隔离诸多意见，系咁sell我哋食套餐，我地三大一细，如果叫套餐最低消费都要嗌个四人餐，我地心谂：点食得落咁多😑 跟住见我哋冇反应，转左sell我哋食生龙趸翅，话：「试唔试吓啊？今晚厨房最后一煲啦！」我又心谂，最后一煲先叫我地买黎食？唔系即叫即整咩？都唔知摆咗几耐😒所以好决绝咁讲咗「唔要。」跟住再睇下个小菜餐单，碟碟都同套餐入边嘅𩠌差唔多！但入黎前又冇事先讲明今日主要系食套餐，小菜系非常之少同好贵，焗住我哋要嗌餐食。果时已经有d炆，最后无奈地叫左个四人套餐。嘢食陆续来，先来左碟龙虾伊面，但完全冇卖相😅都算了，一食落去先至成碟野系一早整定再翻煮~~~~~
入到去坐低左，咁我哋梗系即刻睇下个餐牌啦，离远有个阿姐即刻行过嚟企系我哋将枱隔离。咁我哋谂住都未决定好，就同个阿姐讲：「我哋睇多阵餐单先，转头再叫你过嚟啦！」点知个阿姐扮听唔到，眼定定望住我地，只脚仲好似痴咗胶水郁都冇郁过！搞到我地好尴尬。
咁都算啦，我哋喺度睇紧餐单，个阿姐就系咁系隔离诸多意见，系咁sell我哋食套餐，我地三大一细，如果叫套餐最低消费都要嗌个四人餐，我地心谂：点食得落咁多😑 跟住见我哋冇反应，转左sell我哋食生龙趸翅，话：「试唔试吓啊？今晚厨房最后一煲啦！」我又心谂，最后一煲先叫我地买黎食？唔系即叫即整咩？都唔知摆咗几耐😒所以好决绝咁讲咗「唔要。」
跟住再睇下个小菜餐单，碟碟都同套餐入边嘅𩠌差唔多！但入黎前又冇事先讲明今日主要系食套餐，小菜系非常之少同好贵，焗住我哋要嗌餐食。
果时已经有d炆，最后无奈地叫左个四人套餐。嘢食陆续来，先来左碟龙虾伊面，但完全冇卖相😅都算了，一食落去先至成碟野系一早整定再翻煮~~~~~唉！完全对间野失望！
到咗最尾系食寿包，咁细佬系唔食莲蓉，谂住问下个阿姐可唔可以转一个做奶黄，佢答我：「得，帮你转！」
跟住到笼寿包嚟咗既时候，一打开4粒都系莲蓉？！即刻好有礼貌咁问返楼面：「点解有粒唔系奶黄嘅？！明明应承咗架！」跟住佢话：「我哋厨房从来都冇奶黄架㖞！」
我当时已经开始有少少黑面，同佢讲你哋啲同事话有，依家又冇姐系点？」阿姐即刻冇声出系咁同我地"沙淋"，又话：「𠮶个人系做开早市，佢临时转左来帮晚市手，唔知夜晚套餐系无奶黄包架！」冇耐佢就转个头去左话个同事，搞到个同事无啦啦走过来同我地讲：「唔好意思系我搞错，我黎帮手做晚市架渣，唔知晚市系冇奶黄架。」但我哋听完都废事理佢，心谂快啲食完快啲走，冇下次再帮衬！😡
一句讲晒：食左800几蚊既垃圾套餐！
张贴