影片
更多
2021-03-05
482 浏览
堂食左几次，外卖过好多次（有折又唔洗服务费）。菜式都唔错，常见酸辣/酸甜/冇乜特别嘅味道，成日食会有啲闷。缺点在于有啲座位灯光劲暗，想清晰啲望下对面位条友都唔得，一道黑气咁。而且服务一般，有时唔理人，行过当睇唔到。最离谱有次我点餐睇到麻辣鸡丝粉皮，睇左几次都系咁（唔知系我鬼遮眼定餐牌错），落单时呀婶听到都冇纠正我。碟野一黎到，麻酱+烚鸡+生青瓜+烚粉皮？我喺一间唔算低级嘅餐厅食$62（服务费=$68）嘅烚野+一pat酱？我就叫个遮遮埋黎问佢点解唔系麻辣而系麻酱，个遮遮听到后专登乌低身块脸乌到劲埋，声大夹恶咁话「麻香！麻香！」意思道菜系麻香粉皮，好似呢度系佢地头，要恐吓我唔好睇错餐牌，好彩佢戴口罩，如果唔系我真系投诉佢啲飞沫。如果喺茶楼收我少少茶水钱，俾你呢啲冇修养同文化嘅人凶几声都冇问题，但一班好似喺茶楼行出黎唔洗train嘅师奶，要收我服务费同茶钱？真系同碟麻酱烚鸡一样吊高嚟卖！仲要只收卡唔收现金，如果净系得我家两老去食，实俾人扣留喺餐厅、要人拎卡去赎番佢地！食越多次就越唔gur，如果唔系之前买盆菜送$500劵（食$300先用到$100劵），啲菜式贪新鲜可以一试嘅话，真系唔鬼食！
缺点在于有啲座位灯光劲暗，想清晰啲望下对面位条友都唔得，一道黑气咁。而且服务一般，有时唔理人，行过当睇唔到。
最离谱有次我点餐睇到麻辣鸡丝粉皮，睇左几次都系咁（唔知系我鬼遮眼定餐牌错），落单时呀婶听到都冇纠正我。
碟野一黎到，麻酱+烚鸡+生青瓜+烚粉皮？我喺一间唔算低级嘅餐厅食$62（服务费=$68）嘅烚野+一pat酱？
我就叫个遮遮埋黎问佢点解唔系麻辣而系麻酱，个遮遮听到后专登乌低身块脸乌到劲埋，声大夹恶咁话「麻香！麻香！」意思道菜系麻香粉皮，好似呢度系佢地头，要恐吓我唔好睇错餐牌，好彩佢戴口罩，如果唔系我真系投诉佢啲飞沫。
如果喺茶楼收我少少茶水钱，俾你呢啲冇修养同文化嘅人凶几声都冇问题，但一班好似喺茶楼行出黎唔洗train嘅师奶，要收我服务费同茶钱？真系同碟麻酱烚鸡一样吊高嚟卖！
仲要只收卡唔收现金，如果净系得我家两老去食，实俾人扣留喺餐厅、要人拎卡去赎番佢地！
食越多次就越唔gur，如果唔系之前买盆菜送$500劵（食$300先用到$100劵），啲菜式贪新鲜可以一试嘅话，真系唔鬼食！
张贴